ՏԵՍԱՆՅՈՒԹ. ՀՕՊ ուժերը խոցել են Մոսկվայի ուղղությամբ թռչող անօդաչու թռչող սարքը
Մերձմոսկվայի Ստուպինսկի քաղաքային օկրուգում հակաօդային պաշտպանության ուժերը խոցել են դեպի Մոսկվա թռչող անօդաչու թռչող սարք ։ Փլատակների անկման վայրում, նախնական տվյալներով, տուժածներ եւ ավերածություններ չկան, հայտնել է մայրաքաղաքի քաղաքապետ Սերգեյ Սոբյանինը:
«Արտակարգ ծառայությունների մասնագետներն աշխատում են դեպքի վայրում»,— ասված է քաղաքապետի Telegram ալիքում: Այլ մանրամասներ չեն հաղորդվում: Մերձմոսկովյան Ստուպինո քաղաքը, որտեղ ապրում է մոտ 63 հազար մարդ, գտնվում է Մոսկվայից 99 կմ հարավ։
Վերջին անգամ Մոսկվայի ուղղությամբ թռչող անօդաչու սարքի գրոհը հետ մղելու մասին Սերգեյ Սոբյանինը հայտնել էր մայիսի 10-ին: Այն ժամանակ ԱԹՍ-ն խոցվել էր Պոդոլսկում։ Տուժածներ և ավերածություններ չեն եղել:
