ՌԴ ՊՆ-ն հրապարակել է Վարդան Հարությունյանի լուսանկարը, ով ականանետային կրակի ներքո փրկել է 12 զինակից ընկերներին

Ռուսաստանի Դաշնության պաշտպանության նախարարությունը Telegram-ի իր ալիքում հրապարակել է ՌԴ ԶՈւ շարքային Վարդան Հարությունյանի լուսանկարը, ով ականանետային կրակի տակ մարտադաշտից տարհանել է 12 վիրավոր զինվորի։

Շարքային Վարդան Հարությունյանը հատուկ ռազմական գործողության ընթացքում, գործելով բժշկական վաշտի կազմում, կատարել է առաջին բուժօգնություն ցուցաբերելու և զինծառայողներին մարտի դաշտից տարհանելու խնդիրները: 

Չնայած ուկրաինացիների կողմից շարունակվող ականանետային գնդակոծությանը, շարքային Հարությունյանը, վտանգելով սեփական կյանքը, տարհանել է 12 զինծառայողի՝ տարբեր աստիճանի բեկորային վնասվածքներով:

Մարտական ընկերներին տեղափոխելով տարհանման վայր ՝ Վարդանը նրանց առաջին բուժօգնությունն է ցուցաբերել:

Շարքային Հարությունյանի գրագետ և պրոֆեսիոնալ գործողությունների շնորհիվ բոլոր վիրավոր զինծառայողներն օպերատիվ կերպով տեղափոխվել են բուժհաստատություններ: Մարտիկների կյանքը փրկվել է: