Խնդրում ենք արտաշիրիմում անեն մեր երեխաներին բերեն Հայաստան, գոնե մի ծաղիկ դնենք շիրիմներին. արցախցի

Արցախի Հանապետությունում 2023 թվականի սեպտեմբերյան ռազմական գործողությունների զոհերի հարազատները կառավարության շենքի մոտ են, պահանջում են Արցախում հուղարկավորված իրենց հարազատների արտաշիրիմում անել և տեղափոխել Հայաստան:

«Տղաս՝ Արթուր Արզումանյանը զոհվել է 2023 թվականի սեպտեմբերի 19-ին, հուղարկավորվել է Ստեփանակերտի Եղբայրական գերեզմանոցում։ Արդեն 10 ամիս է՝ խնդրում ենք, պահանջում ենք արտաշիրիմում անեն ու մեր երեխաներին բերենք Հայաստան, որ գոնե մի ծաղիկ դնենք շիրիմներին, չեն կարողանում: Մարդ չմնաց, որ խնդրենք։ Անգամ ասել եմ՝ գնամ Գորիս, խնդրեմ սահմանը բացեն, փողով է, ինչով է, թուրքին խնդրեմ, թողնեն իմ երեխային բերել Հայաստան։ Վերջին հույսս դա է, եթե այստեղ պետություն չկա»,- ասաց արցախցի Բորիկ Արզումանյանը։