Ինտերնետ կապի խափանումներ՝ Հայաստանում․ օպերատորները պարզաբանում են
Ճանապարհաշինարարական աշխատանքների ընթացքում մի քանի տեղում վնասվել են մեր ընկերության միջազգային կապուղիները, ինչի հետևանքով առկա է ֆիքսված ու բջջային ինտերնետի ծառայությունների հասանելիության սահմանափակում: Այս մասին հայտարարություն է տարածել Team Telecom Armenia-ն։
«Մեր տեխնիկական թիմն իրականացնում է անհրաժեշտ միջոցառումները խնդիրը հնարավորինս արագ լուծելու համար: Հայցում ենք ձեր ներողամտությունը պատճառած անհարմարության համար»,-ասվում է հայտարարության մեջ:
Auroranews-ի հետ զրույցում Team Telecom-ի լրատվական բաժնից մանրամասնեցին, որ Կիրանցի տարածքում կապուղի է վնասվել։
«Մասնագետները տեղում են, փորձում են ամեն ինչ անել, որպեսզի կապը վերականգնեն»,-ասացին բաժնից։
Auroranews-ը կապ է հաստատել նաև Յուքոմ ընկերության հետ: Ընկերությունց նշել են, որ վթար կա, այս պահին աշխատանքներ են իրականացվում, որպեսզի խնդիրը հնարավորինս շուտ կարգավորվի: Սրա վերաբերյալ դեռ տեղեկությունն այսքանն է, նոր մանրամասներ լինելու դեպքում անմիջապես կներկայացնենք ձեր ուշադրությաանը:
