Դավթաշենում դաժանաբար ծեծված և 5-րդ հարկից գցած շան ձագերին սպառնում են վերացնել. ահազանգ

Հարգելի կենդանասերներ կանգնած եմ մի մեծ խնդրի առջև , Դավիթաշեն 2-րդ թաղամասի 31 շենքում դաժանաբար ծեծված և 5-րդ հարկից գցած շանը վերջ տալով բնակիչները չհանգստացան և հիմա էլ շենքի չակերտավոր տղամարդիկ տանտիրոջից պահանջել են որ հանի դուրս այդ շուն կերակրողին , այն կնոջը ում կեր էի տրամադրում շնիկների համար , իսկ տան տերը հուլիսի 6-ին իրեն տնից դուրս է հանում։ Այս մասին Մենք և մեր Կենդանիները ֆեյսբուքյան խմբում գրել է Աննա Մանուկյան օգտատերը:

«Հաջորդ խնդիրը այն է , որ այսօր 2 տղամարդ պահանջում էին ինձանից այդտեղից վերացնել այդ մահացած շան ձագերին (թվով 8)։ 2-3 ին էլ ես կվերցնեմ , բայց չեմ կարող 8-ին:,- գրել է նա: Օտատերը խնդրել է, որ գոնե մոր մահից հետո նրանք ապրեն ապահով , այլապես այդ բակում նրանք նույնպես կարժանանան մոր բախտին:

Հիշեցնենք` ինչպես հայտնել  է shamshyan.com-ը, հուլիսի 1-ին ժամը 18։20-ի սահմաններում ՀՀ Ներքին գործերի նախարարության ոստիկանության Մաշտոցի բաժին օպերատիվ տեղեկություններ են ստացվել, որ Դավիթաշեն 2-րդ թաղամասի 31 շենքի 5-րդ հարկի շքամուտքից ոմն «Հրոյի» որդին իր ընկերների հետ միասին շանը նետել է ցած:

Ոստիկանները տեղում պարզել են, որ ոմն Հրոն և նրա որդին դաժան ծեծի են ենթարկել անտուն շանը, իսկ հետո նշված շենքի 5-րդ հարկի շքամուտքից շանը նետել են ցած:

Դեպքի փաստվ ոստիկանության Մաշտոցի բաժնում կազմվել են փաստաթղթեր, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին։