ՏԵՍԱՆՅՈՒԹ․ Արջը դուրս է եկել մարդկանց մոտ և փորձել «գողանալ» տղամարդու հողաթափերը․ ՌԴ
Իրկուտսկի մարզում արջը դուրս է եկել մայրուղի: Այս մասին հայտնում է «Բորուսիա» տելեգրամյան ալիքը։
Տելեգրամյան ալիքի տեղեկություններով՝ միջադեպը տեղի է ունեցել անցած հանգստյան օրերին Սլյուդյանսկի շրջանի մայրուղու վրա։ Արջը դուրս է եկել մարդկանց մոտ, որոնք սկսել են նկարահանել նրան եւ ուտելիք հյուրասիրել։ Ավելի ուշ գիշատիչը փորձել է խլել հողաթափերը մի տղամարդուց, որը փորձել է լուսանկարվել նրա հետ։ Նշվում է, որ կենդանին ագրեսիա չի ցուցաբերել։
Սակայն մասնագետները կոչ են արել մարդկանց չշփվել գիշատիչների հետ և չկերակրել նրանց, քանի որ կենդանիներն անպայման կվերադառնան նույն վայր մեկ այլ անգամ՝ իմանալով, որ այնտեղ կերակրում են: Ընդ որում, թե ինչ տրամադրություն կունենա կենդանին հաջորդ անգամ հայտնի չէ։
