Ռուսաստանում հարկային ծառայությունը մտադիր է կալանք դնել հայտնի ադրբեջանցի բլոգեր Հուսեյն Հասանովի ունեցվածքի վրա

ՌԴ Դաշնային հարկային ծառայությունը ցանկանում է դատարանի միջոցով կալանք դնել բլոգեր Հուսեյն Հասանովի ունեցվածքի վրա, որը գերատեսչությանը 128,5 մլն ռուբլի պարտք է։ Ինչպես հաղորդում է Shot թելեգրամյան ալիքը, Մոսկվայի արբիտրաժային դատարանը վարույթ է սկսել հարկային մարմինների պահանջով։

Ըստ Shot-ի՝ Դաշնային հարկային ծառայությունը խնդրում է կալանքի տակ առնել «Մոսկվա-Սիթի» բիզնես կենտրոնում գտնվող Neva Towers բնակելի համալիրում բլոգերին պատկանող բնակարանները։ Այս 124 քմ մակերեսով անշարժ գույքի շուկայական արժեքը հասնում է 150 միլիոն ռուբլու, գրում է ալիքը։

Բացի այդ, հարկային հայտարարագրում, իբր, նշված է երկու շքեղ ավտոմեքենա՝ 2020 թվականի Rolls-Royce Cullinan և 2022 թվականի արտադրության Chevrolet Tahoe, որոնց շուկայական արժեքը հասնում է համապատասխանաբար 50 միլիոն և 11 միլիոն ռուբլու։

Shot-ն ավելի վաղ գրել էր, որ Հասանովի հաշիվները չորս բանկերում սառեցվել են հունիսի 13-ից՝ 144,8 միլիոն ռուբլու հարկային պարտքի պատճառով։ Սրանից հետո բլոգերն իբր 16,3 միլիոնով կրճատել է պարտքը, սակայն մնացած գումարն այդպես էլ չի վճարվել։

Հուսեյն Հասանովը ադրբեջանական ծագմամբ ռուսաստանցի հայտնի վիդեոբլոգեր է և մարզիչ, որի Instagram-ն ունի 30 միլիոն բաժանորդ։