Պետերբուրգում տղամարդը մերսման ժամանակ խեղդել է կնոջը: Այնուհետև նա լոգարանը լցրել է ջրով, տեղափոխել մարմինը այնտեղ և լքել բնակարանը։

Պետերբուրգում պարզվում են կնոջ մահվան հանգամանքները։

Ինչպես հայտնի է դարձել 78.ru-ին. շաբաթ գիշերը Պարգոլովո գյուղի Վոլոգդինա փողոցի թիվ 5 տան մոտ ձերբակալել են հարբած վիճակում գտնվող 37-ամյա տղամարդուն, որը ոստիկանության աշխատակիցներին հայտնել է, որ խեղդամահ է արել իր կնոջը: Դեպքի վայր ժամանած թիմը հայտնաբերել է 41-ամյա կնոջ դի ՝ խեղդամահության հետքերով։

Ձերբակալվածը պարզաբանել է, որ հունիսի 29-ին՝ ժամը 0:30-1:30-ն ընկած ժամանակահատվածում, երկսենյականոց բնակարանի սենյակներից մեկում մերսում է արել կնոջը: Առանց որևէ պատճառի, մի պահ նա ձեռքերով սեղմել է նրա պարանոցը և խեղդել նրան: Այնուհետև լոգարանը լցրել է ջրով, մարմինը տեղափոխել է լոգարան, որտեղ դեմքով դրել է ջրի մեջ և լքել բնակարանը։ Դիակն ուղարկվել է դիահերձարան, հարուցվել է քրեական գործ սպանության դեպքի առթիվ։ Կասկածյալը գտնվում է մեկուսարանում։ Պարզվել է, որ ավելի վաղ նա զենքի գործադրմամբ ավազակության գործով է մեղադրվել, սակայն հայտնվել է ոչ թե բանտում, այլ հոգեբուժարանում։