Ռոնալդուն մեր առաջատարն է եւ ավագը. Կանսելու
Պորտուգալիայի հավաքականի եւ «Բարսելոնայի» պաշտպան Ժոաու Կանսելուն բարձր է գնահատել թիմի ավագ, սաուդյան «Ալ Նասրի» 39-ամյա հարձակվող Կրիշտիանու Ռոնալդուի դերը հավաքականում։
«Ռոնալդուի 6-րդ ԵԱ-ն համառ աշխատանքի, տաղանդի եւ բոլոր նվաճումների արդյունքն է։ Կրիշտիանուն մեր առաջատարն է եւ ավագը»,- Կանսելուի խոսքը մեջբերում է Mundo Deportivo-ն։
Հունիսի 18-ին խմբային փուլի առաջին տուրում Պորտուգալիան կմրցի Չեխիայի հետ։
