Եվրո-2024-ի խաղում Ռումինիայի հավաքականը 3:0 հաշվով հաղթեց Ուկրաինային

Ֆուտբոլի Եվրոպայի 2024 թվականի առաջնության խմբային փուլի առաջին տուրում Ռումինիայի հավաքականը խոշոր հաշվով հաղթեց Ուկրաինայի ընտրանուն:

Մյունխենում կայացած ե խմբի հանդիպումն ավարտվել է 3:0 հաշվով:

29-րդ րոպեին աչքի ընկավ Նիկոլաե Ստանչուն, երկրորդ գոլը խփեց Ռեզվան Մարինը (53), վերջնական հաշիվը սահմանեց Դենիս Դրեգուշը (57):

Երկրորդ տուրում Ռումինիայի հավաքականը հունիսի 22-ին կմրցի Բելգիայի թիմի հետ, ուկրաինացիները մեկ օր առաջ կմրցեն Սլովակիայի հետ:

Եվրոպայի առաջնությունն անցկացվում է Գերմանիայի 10 քաղաքներում հունիսի 14-ից հուլիսի 14-ը: