ՏԵՍԱՆՅՈՒԹ. Փաշինյանը մի նշաձող է սահմանել, որի տակից չի կարողանում դուրս գալ. Սեյրան Օհանյան
Փաշինյանը պարզապես ևս մեկ անգամ ստում է: Այս մասին Tert.am-ի հետ զրույցում հայտնեց ԱԺ «Հայաստան» խմբակցության ղեկավար, Պաշտպանության նախկին նախարար Սեյրան Օհանյանը:
«2018թ-ին որպես նոր ղեկավար նա պարտավոր էր նախորդ ղեկավարներից ճշտել՝ բանակցային գործընթացն ինչ բնագծում է, բայց նա սկսեց սեփական կետից: Յուրաքանչյուր գիտակից մարդ նախկիններից հարցնում է վիճակից, բայց հայ ժողովրդի համար Արցախի հարցից կարևոր հարց, երևի, չի եղել: Մեր անկախությունը կապված է Արցախի հետ»,- նշեց մեր զրուցակիցը:
Սեյրան Օհանյանը շեշտեց՝ Փաշինյանը պարզապես ասում է այն՝ ինչ մտածում է:
«Այն ժամանակ էլ էր պատրաստ, բայց փորձել է ասել, որ ամեն բան որոշողն ինքն է: Մի նշաձող է սահմանել, որի տակից չի կարողացել դուրս գալ»,- ընդգծեց նա:
«Հայաստան» խմբակցության ղեկավարն արձանագրեց՝ երեկ խորհրդարանում այնպիսի հարցադրումներ էին հնչեցրել, ինչից Փաշինյանն ինքնամերկացավ:
«Նախորդ արտահերթ ընտրությունների թերություններից ամենակարևորն այն էր, որ Նիկոլ Փաշինյանը պաշտոնակատար էր: Նոր ընտրությունների դեպքում պետք է ամեն բան անել, որ նա չմնա պաշտոնակատար»,- նշեց նա:
Սեյրան Օհանյանի խոսքով՝ Փաշինյանը չի տիրապետում իրավիճակին:
«Բագրատ Սրբազանն ամեն քայլի մերկացնում է իրենց ու ամեն կերպ իշխանությունը փորձում է թաքնվել ոստիկանական ուժերի հետևում: Այս շարժումը հետվերադարձ չունի, այս շարժումը պետք է գնա մինչև վերջ: Այս իշխանությունները չեն արտահայտում հայ ժողովրդի շահերը»,- ասաց նա:
Սեյրան Օհանյանի խոսքով՝ Հայաստանը վերածվում է բռնապետության և ոստիկանապետության:
Մանրամասները՝ տեսանյութում.
