Զելենսկին ժամանել է Գերմանիա
Ուկրաինայի նախագահ Վլադիմիր Զելենսկին ժամանել է Գերմանիա՝ մասնակցելու Ուկրաինայի վերականգնմանը նվիրված միջազգային համաժողովին, հայտնում է Bild թերթը:
Գերմանիայի կանցլեր Օլաֆ Շոլցի հետ համաժողովը բացելուց հետո, նա ելույթ կունենա Բունդեսթագում և հանդիպումներ կանցկացնի Գերմանիայի նախագահ Ֆրանկ Վալտեր Շտայնմայերի և Բունդեսթագի նախագահ Բերբել Բասի հետ։
Վերակառուցման համաժողովը Ուկրաինային նվիրված գագաթնաժողովների շարքի սկիզբն է։ Դրանից հետո Իտալիայում տեղի կունենա G7-ի գագաթնաժողովը, որին կհաջորդի Խաղաղության համաժողովը Շվեյցարիայում։
