Գիտակցումը, որ հենց այնպես կարելի է նստել բանակցությունների սեղանի շուրջ, կարծես ոչինչ չի պատահել, սխալ է․ Լավրով

ՌԴ արտգործնախարար Սերգեյ Լավրովը պատմել է, որ ռուսական կողմը ոչ հրապարակային շփումներ է ունեցել Արևմուտքի երկրների ներկայացուցիչների հետ: Նախարարի խոսքով՝ քննարկվել են ուկրաինական իշխանությունները, մասնավորապես՝ երկրի նախագահ Վլադիմիր Զելենսկու քաղաքականությունը։

Ելույթ ունենալով BRICS-ի արտաքին գործերի նախարարների խորհրդակցության արդյունքների վերաբերյալ մամուլի ասուլիսում՝ Սերգեյ Լավրովը քննարկել է Ռուսաստանի և Ուկրաինայի միջև բանակցությունների հնարավորությունը: Նա նշել է, որ Ուկրաինայում ռուսերենն արգելված է կրթության և ԶԼՄ-ների ոլորտում, իսկ դա ուղղակիորեն սահմանափակում է ռուսական սփյուռքի իրավունքները։

«Երբ մեր ընկերները տարբեր երկրներում Ի սրտե բանակցային գործընթացներ են առաջարկում, երբեմն հնչում է՝ եկեք ուղղակի կանգնեցնենք մարտական գործողությունները և սկսենք խոսել։ Իսկ արդյոք ցանկացած ազգային փոքրամասնության, առավել ևս Ուկրաինայում ռուսների նման խոշոր փոքրամասնության իրավունքները պահպանելու պահանջն արհեստական նախապայման է։ Ես այդպես չեմ կարծում», - ասել է նա։

Սերգեյ Լավրովի խոսքով՝ անհրաժեշտ է «վերադարձնել Ուկրաինական ռեժիմը իրավական դաշտ», որում ապրում են համաշխարհային հանրության մյուս բոլոր պատասխանատու անդամները: Նա հիշեցրել է, որ այդ հարցը բազմիցս բարձրացվել է ռուսական կողմի, այդ թվում՝ նախագահ Վլադիմիր Պուտինի կողմից:

«Ես կարծում եմ, որ այն գիտակցումը, որ հենց այնպես կարելի է թողնել այս իրավիճակը և նստել բանակցությունների սեղանի շուրջ, կարծես ոչինչ չի պատահել, սխալ է։ Առավել ևս, որ Արևմուտքում ոչ ոք, մենք ունեցել ենք որոշ չֆիշվող շփումներ, չի ցանկանում նկատել նացիստական, ռուսատյաց էֆեկտը, որը ստեղծում է այս ռեժիմը»,— հավելել է նա։

Այն մասին, որ Արևմուտքի երկրների ներկայացուցիչները ոչ հրապարակային փորձում են կապեր հաստատել Մոսկվայի հետ՝ Ուկրաինայի հետ կապված հարցերը լուծելու համար, Սերգեյ Լավրովը խոսել է նաև 2023 թվականի դեկտեմբերին։ Զրույցի մանրամասները նա այդ ժամանակ չի ներկայացրել, բայց նշել է, որ «շատ հայտնի արեւմտյան երկրի մի կոնկրետ ղեկավար» մի քանի անգամ, տարբեր ուղիներով «ազդանշաններ է ուղարկել», որպեսզի համաձայնեցնի հանդիպումը եւ խոսի այն մասին, թե «ինչ անել Ուկրաինայի եւ եվրոպական անվտանգության հետ»: