Փշոտ կլինի․ Լավրովը խոսել է նոր աշխարհակարգի անցման մասին
Նոր աշխարհակարգի անցումը պատմական մի ամբողջ դարաշրջան կզբաղեցնի և փշոտ կլինի, հատկապես հաշվի առնելով այն, որ Վաշինգտոնն ակտիվորեն փորձում է խանգարել դրան։ Այս մասին հայտարարել է Ռուսաստանի արտգործնախարար Սերգեյ Լավրովը:
«BRICS - ի ընդլայնումը բազմաբևեռ աշխարհակարգի ձևավորման գործընթացի հստակ հաստատում է։ Տեղի է ունենում գլոբալ նշանակություն ունեցող քաղաքական որոշումների կայացման նոր կենտրոնների ձևավորում՝ գլոբալ հարավի և արևելքի պետություններից, համաշխարհային մեծամասնության պետություններից։ Այս երկրները հանդես են գալիս ավելի արդար ապրելակերպի օգտին՝ պետությունների ինքնիշխան հավասարության և քաղաքակրթական բազմազանության հիման վրա։ Նոր աշխարհակարգի անցումը պատմական մի ամբողջ դարաշրջան կզբաղեցնի և փշոտ կլինի», - ասել Է Լավրովը։
Նա ընդգծել է, որ ԱՄՆ-ն դաշնակիցների հետ չի թողնում խուսափողական գերիշխանությունը պահպանելու և բազմաբևեռության ձևավորման օբյեկտիվ գործընթացները դանդաղեցնելու փորձերը, իսկ տնտեսական գործիքներն օգտագործում է որպես զենք:
«Պատժամիջոցների ճնշման, ֆինանսական շանտաժի միջոցով փորձում են ազդել ինքնիշխան պետությունների կողմից զարգացման մոդելների և առևտրային գործընկերների ընտրության վրա։ Արևմուտքը չի խորշում նաև ուժային մեթոդներից։ Օրինակները բոլորին հայտնի են», - եզրափակեց նախարարը։
