Իրանական կողմը «Զանգեզուրի միջանցքի» մասին հայտարարություն է արել

Իրանական կողմը կրկին հայտարարել է այսպես կոչված «Զանգեզուրի միջանցքի» անընդունելիության մասին, որը պահանջում են Բաքուն և Անկարան։

«Թեհրանն աջակցում է բոլոր նախաձեռնություններին, որոնք կօգնեն տարածաշրջանի զարգացմանը, Երևանի և Բաքվի հարաբերությունների կարգավորմանը, սակայն դեմ է ցանկացած նախաձեռնության, որը կարող է փոխել սահմանները տարածաշրջանում ու ժողովրդագրական վիճակը»,- CNN Turk-ին տված հարցազրույցում նշել է Իրանի արտգործնախարարի պաշտոնակատար Ալի Բաղերի Քանին։