![ՖԻԴԵ-ն Ռուսաստանի շախմատի ֆեդերացիային 2 տարով զրկել է անդամակցությունից](https://auroranews.am/storage/img/base_image/2024-06-08/6663f62d76b12.webp)
ՖԻԴԵ-ն Ռուսաստանի շախմատի ֆեդերացիային 2 տարով զրկել է անդամակցությունից
![ՖԻԴԵ-ն Ռուսաստանի շախմատի ֆեդերացիային 2 տարով զրկել է անդամակցությունից](https://auroranews.am/storage/img/base_image/2024-06-08/6663f62d76b12.webp)
Շախմատի միջազգային ֆեդերացիան (ՖԻԴԵ) Ռուսաստանի շախմատի ֆեդերացիային երկու տարի ժամկետով զրկել է կազմակերպության անդամությունից։
Այս մասին X սոցիալական ցանցում հայտնել է շախմատիստ Պետեր Հայնե Նիլսենը՝ ՖԻԴԵ-ի փաստաթղթերին հղումով։
«Ռուսաստանի շախմատի ֆեդերացիան պատժվում է` ժամանակավորապես զրկվելով ՖԻԴԵ-ի անդամակցությունից, ներառյալ կազմակերպության հովանու ներքո անցկացվող հանդիպումներին և միջոցառումներին մասնակցելուց: Բացառման ժամկետը տվյալ որոշման ընդունման պահից երկու տարի է», - նշված է փաստաթղթում։
Նշվում է նաև, որ ֆեդերացիային անդամակցությունից զրկելը չի ազդում շախմատիստների, մրցավարների, մարզիչների և Ռուսաստանի շախմատի ֆեդերացիայի մաս կազմող ակումբների շախմատային գործունեության վրա: