Զելենսկին հունիսի 11-ին կայցելի Բեռլին
Ուկրաինայի նախագահ Վլադիմիր Զելենսկին հունիսի 11-ին կայցելի Բեռլին և առաջին անգամ անձամբ ելույթ կունենա Բունդեսթագի արտահերթ նիստում։
Նրա այցը Գերմանիա համընկնում է Ուկրաինայի վերականգնմանը նվիրված համաժողովին, որը կազմակերպվել է Գերմանիայի ԱԳՆ-ի մասնակցությամբ։ Զելենսկին համաժողովի բացմանը ելույթ կունենա դաշնային կանցլեր Օլաֆ Շոլցի հետ, նշում է dpa գործակալությունը։
Վլադիմիր Զելենսկիին Բունդեսթագ հրավիրելու առաջարկ է արել Գերմանիա-Ուկրաինա խորհրդարանական խմբի նախագահ Ռոբին Վագեները, որը հանդես է գալիս Կիևին ռազմական օգնության մեծացման կողմնակից։
