Գազայում Նուսեյրաթ ճամբարի վրա Իսրայելի նոր հարվածի հետևանքով կան զոհեր. Al Jazeera

Գազայի հատվածի կենտրոնում գտնվող Նուսեյրաթ փախստականների ճամբարին Իսրայելի պաշտպանության բանակի նոր հարվածի հետևանքով 6 մարդ է զոհվել: Այս մասին գրում է Al Jazeera-ն։

Հեռուստաալիքի տվյալներով՝ իսրայելական արկը հարվածել է մի տան, որում մարդիկ են եղել։ Բացի վեց մահացածներից, հաղորդվում է նաև մի քանի վիրավորների մասին։

Ավելի վաղ իրանական Tasnim գործակալությունը գրել էր, որ Գազայի հատվածի կենտրոնական հատվածում գտնվող Նուսեյրաթի դպրոցի շենքի վրա իսրայելական ավիահարվածի հետեւանքով, որտեղ փախստականներ են գտնվել, զոհվել է ավելի քան 30 մարդ։