Սլովենիայի խորհրդարանը հավանություն է տվել Պաղեստինի անկախության ճանաչմանը
Երեքշաբթի երեկոյան Սլովենիայի խորհրդարանը քվեարկեց Պաղեստինն անկախ պետություն ճանաչելու մասին հրամանագրի օգտին։ 90 պատգամավորներից 52-ը կողմ արտահայտվեցին, հայտնում է AFP-ն։
Նշվում է, որ ընդդիմությունը դրամատիկ փորձեր է արել խափանել քվեարկությունը, սակայն, չնայած դրան, այն տեղի է ունեցել։
Դրանից հետո Սլովենիայի արտաքին գործերի նախարար Տանյա Ֆայոնը հայտարարել է, որ Պաղեստինի անկախության ճանաչումը խաղաղության և արդարության նկատմամբ երկրի հավատարմության արտահայտությունն է։
