Շվեյցարիայի գագաթնաժողովը կարող է դուռ բացել Ռուսաստանի և Ուկրաինայի միջև բանակցությունների համար. Bloomberg

Հունիսի կեսերին Շվեյցարիայում կայանալիք Ուկրաինայի գագաթնաժողովը կարող է դուռ բացել Ռուսաստանի հետ ապագա բանակցությունների համար: Այս մասին գրում է Bloomberg-ը՝ հղում կատարելով փաստաթղթի նախագծին։

Նրա խոսքով, այսպես կոչված խաղաղության գագաթնաժողովի նպատակն է ուղիներ գտնել՝ բանակցություններում ռուս պաշտոնյաներին ներգրավելու համար՝ հիմնվելով Ուկրաինայի նախագահ Վլադիմիր Զելենսկու առաջարկած խաղաղության ծրագրի երեք կետերի վրա։

Չնայած Ռուսաստանը չի մասնակցի գագաթնաժողովին, Bloomberg-ի տեսած փաստաթղթում ասվում է, որ հակամարտության բոլոր կողմերը պետք է աշխատեն դադարեցնել մարտերը:

«Ուստի մենք պայմանավորվեցինք ձեռնարկել կոնկրետ քայլեր, որոնք կարող են ծառայել որպես վստահության միջոցներ վերոնշյալ ոլորտներում Ռուսաստանի Դաշնության ներկայացուցիչների հետագա ներգրավմամբ»,- ասված է փաստաթղթի նախագծում։

Ըստ Bloomberg-ի՝ մինչ Մոսկվայի հետ բանակցություններ սկսելը, Զելենսկին ծրագրում է ստանալ գլոբալ հարավի երկրների աջակցությունը։