Մարած շարժման տապանաքարը վաղուց արդեն դրված է․ Չախոյան

Վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում գրառում է կատարել՝ անդրադառնալով այն պնդումներին, թե Բագրատ արքեպիսկոպոս Գալստանյանի գլխավորած շարժումը չի մարել:

Նա, մասնավորապես, գրել է. «Շարժումը չի մարում, փողով ցուցարար հավաքող «Սրբազան» կոչված շարժումը վաղուց մարած է։

Շարժում կոչվածը մարել է դեռ չսկսած՝ մայիսի 9-ին Հանրապետության հրապարակում։ Երբ դեռ մոտ 1 ամիս առաջ վարչապետին 1 ժամ ժամանակ տվեցին, հետո 5 րոպե սպասեցին ու ևս 15 րոպե ավելացրին, ապա խոստացան 7-10 օրում իշխանափոխություն անել։

Մայիսի 9-ին հետևած բոլոր գործողությունները միտված են մարած շարժումը վերակենդանացնելուն, այնինչ մարած շարժման տապանաքարը վաղուց արդեն դրված է»: