Բայդենը պատմել է, որ մեկ ամիս ապրել է Ուկրաինայում և այնտեղ բարգավաճող կոռուպցիա տեսել
ԱՄՆ նախագահ Ջո Բայդենը խոստովանել է, որ մեկ ամիս անցկացրել Է Ուկրաինայում, երբ այլ պաշտոններ է զբաղեցրել, և նշել է այդ տարիներին երկրում բարգավաճող կոռուպցիան: Հիշողություններով նա կիսվել է Time ամսագրին տված հարցազրույցում։
«Ես մեկ ամիս անցկացրել եմ Ուկրաինայում, երբ սենատոր և փոխնախագահ էի։ Այնտեղ լուրջ կոռուպցիա է եղել», - հայտարարել է նա։
Միացյալ Նահանգների առաջնորդը նաև հավելել է, որ այդ հանգամանքը «շատ բարդ» է համարել:
Մինչ այդ Պենտագոնի գլխավոր տեսուչ Ռոբերտ Ստորչը հայտարարել էր, որ Ուկրաինայում կոռուպցիայի մակարդակն ամենաբարձրն է Եվրոպայում՝ կաշառքների, ատկատների և գների բարձրացման պատճառով:
Քիչ առաջ ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր, որ Ուկրաինայում կոռուպցիայի անհավանական մակարդակը նյարդայնացնում է ԱՄՆ-ին: Նրա խոսքով՝ Կիևի մասշտաբային կոռուպցիան վարկաբեկում է Վաշինգտոնին առաջիկա նախագահական ընտրություններից առաջ։
