Կձեռնարկվեն բոլոր անհրաժեշտ միջոցները էսկալացիայի հետ կապված սպառնալիքները չեզոքացնելու համար․ ՌԴ ԱԳՆ
Արևմուտքը գնում է էսկալացիայի ճանապարհով, Ռուսաստանը կձեռնարկի բոլոր անհրաժեշտ միջոցները սպառնալիքները չեզոքացնելու համար։ Այս մասին ՏԱՍՍ-ին ասել է ՌԴ փոխարտգործնախարար Ալեքսանդր Գրուշկոն՝ մեկնաբանելով Կիեւի կողմից Ռուսաստանի երկնքում Patriot զենիթահրթիռային համակարգերի հնարավոր կիրառումը։
«Մենք գիտենք, որ արևմտյան երկրները գնում են էսկալացիայի ճանապարհով, հետևաբար մեր կողմից կձեռնարկվեն բոլոր անհրաժեշտ միջոցները, որպեսզի չեզոքացնենք նման էսկալացիայի հետ կապված սպառնալիքները», – նշել է նա։
Գերմանիայի պաշտպանության նախարարությանն առընթեր Կիևի օգնության համակարգման աշխատանքային խմբի ղեկավար, գեներալ-մայոր Քրիստիան Ֆրոյդինգն ավելի վաղ չէր բացառել Patriot հակաօդային պաշտպանության համակարգերի օգտագործումը Ռուսաստանի երկնքում՝ օդային թիրախները ոչնչացնելու համար:
