Էրդողանը «համաշխարհային կոչով» հանդես կգա. ԶԼՄ
Թուրքիայի նախագահ Ռեջեփ Թայիփ Էրդողանը մտադիր է առաջիկա միջազգային հանդիպումներից մեկի ժամանակ հանդես գալ «գլոբալ կոչով»: Այս մասին հայտնում է Hurriyet թերթը՝ նշելով, որ դա անհրաժեշտ է Գազայում և Ուկրաինայում իրավիճակի կարգավորման համար։
Պարբերականը նախաձեռնության մանրամասները չի ներկայացնում և չի հստակեցնում, թե կոնկրետ որ հանդիպման ժամանակ թուրք առաջնորդը կհնչեցնի իր «մարդկության կոչը»:
Իտալական Բարի քաղաքում հունիսի 13-15-ը նախատեսվում է G7-ի գագաթնաժողովը: Դրանում, ինչպես ավելի վաղ հաղորդվել էր, սպասվում է Ուկրաինայի եւ լրացուցիչ հրավիրված 15 երկրների ու միջազգային կազմակերպությունների մասնակցությունը: Արտասահմանյան առաջնորդների թվում էր նաև Էրդողանը։
Թուրքիայի նախագահը պարբերաբար հայտարարում է պաղեստինա-իսրայելական հակամարտության շուտափույթ կարգավորման անհրաժեշտության մասին՝ ԱՄՆ-ին և արևմտյան երկրներին մեղադրելով Իսրայելին աջակցելու մեջ: Նա բազմիցս արտահայտվել Է ուկրաինական հակամարտության խաղաղ կարգավորման օգտին՝ առաջարկելով Թուրքիային որպես Ռուսաստանի և Ուկրաինայի միջև բանակցային հարթակ՝ 2022 թվականի մարտին ստամբուլյան բանակցությունների օրինակով։
