Մոսկվայում գործ է հարուցվել շախմատիստ Գարի Կասպարովի դեմ

Մոսկվայում գործ է հարուցվել լեգենդար շախմատիստ, աշխարհի չեմպիոն Գարի Կասպարովի դեմ:

«Քրեական գործը Կասպարովին սպառնում է ՌԴ Քրեական օրենսգրքի 330.1 հոդվածով (օտարերկրյա գործակալների մասին ՌԴ օրենսդրությամբ նախատեսված պարտականությունների կատարումից խուսափելու համար)։ Ներկայումս դրա համար բոլոր հիմքերը կան», - ասել է գործակալության զրուցակիցը։

Քրեական գործ հարուցելու դեպքում Կասպարովին կարող է սպառնալ մինչև երկու տարվա ազատազրկում կամ տուգանք, հավելել է իրավապահ մարմինների ներկայացուցիչը:

Արդարադատության նախարարությունը Կասպարովին ներառել է օտարերկրյա գործակալների ցանկում 2022 թվականի մայիսին։ Որպես հիմնավորում նշվել է «քաղաքական գործունեության իրականացումը», օտարերկրյա աղբյուրների մասին տեղեկություններում նշված են Ուկրաինան և Human rights foundation-ը (ԱՄՆ): Ռուսաստանի Դաշնության դատարանները բազմիցս նրան վարչական պատասխանատվության են ենթարկել օտարերկրյա գործակալների մասին օրենքը խախտելու համար: Կասպարովը բնակվում Է Ռուսաստանի սահմաններից դուրս: