Դա լիակատար ոչնչացում կլինի․ Թրամփ

ԱՄՆ նախկին նախագահ Դոնալդ Թրամփը Fox News-ին տված հարցազրույցում հայտարարել է, որ հենց միջուկային զենքն է մարդկության գլխավոր սպառնալիքը՝ ի տարբերություն պետության գործող ղեկավար Ջո Բայդենի, որն առաջին տեղում է դնում կլիմայի փոփոխությունը:

«Կարծում եմ, որ միջուկային զենքը ամենամեծ սպառնալիքն է, այլ ոչ թե գլոբալ տաքացումը», -ասել է նա:

Ինչպես նշել է Թրամփը, Բայդենը գլոբալ տաքացումն անվանում է «մեծ էկզիստենցիալ սպառնալիք», թեև, միջուկային զենքի օգտագործումը, ըստ Թրամփի, կարող է այնպիսի վնաս պատճառել, որ անգամ «ավելորդ է խոսել»։

«Դա լիակատար ոչնչացում կլինի, և այն իրական սպառնալիք է»,- ընդգծել է նախկին նախագահը։