ԱՄՆ ՊՆ-ն գնահատել Է Չինաստանի հետ պատերազմի հավանականությունը
ԱՄՆ պաշտպանության նախարար Լլոյդ Օսթինը հայտարարել է, որ Չինաստանի հետ ռազմական հակամարտությունն անխուսափելի չէ՝ չնայած Ասիա-խաղաղօվկիանոսյան տարածաշրջանում լարվածության աճին: Նրա խոսքերը մեջբերում է Associated Press-ը։
Օսթինը նշել է Վաշինգտոնի եւ Պեկինի միջեւ ռազմական բարձր մակարդակով երկխոսության վերսկսման կարեւորությունը, որպեսզի խուսափի «սխալ հաշվարկներից եւ թյուրիմացություններից»:
«Իմ կարծիքով՝ պատերազմը կամ Չինաստանի հետ բախումն անխուսափելի չէ։ Մեծ տերությունների առաջնորդները պետք է միասին աշխատեն, որպեսզի համոզվեն, որ մենք ամեն ինչ անում ենք սխալ հաշվարկների և թյուրիմացությունների հավանականությունը նվազեցնելու համար», — ասել է ԱՄՆ պաշտպանության նախարարը:
Մինչ այդ ՉԺՀ-ի Կենտրոնական ռազմական խորհրդի միացյալ շտաբի պետի տեղակալ գեներալ-լեյտենանտ Ցզին Ցզյանֆենը սինգապուրյան «Շանգրի-Լա երկխոսություն» անվտանգության ֆորումի շրջանակներում հայտարարել էր, որ ԱՄՆ-ի հնդկա-Խաղաղօվկիանոսյան ռազմավարությունը տարածաշրջանում տարաձայնությունների եւ ռազմական առճակատման ստեղծման ռազմավարություն է, այն ապագա չունի:
