Հնդկաստանի խորհրդարանական ընտրություններում առաջատարը գործող վարչապետ Մոդիի գլխավորած կոալիցիան է
Հնդկաստանի խորհրդարանական ընտրություններում առաջատարը վարչապետ Նարենդրա Մոդիի Հնդկաստանի ժողովրդական կուսակցության գլխավորած Ազգային դեմոկրատական դաշինքն է։
Այս մասին են վկայում NDTV-ի հրապարակած էքզիթ-փոլի տվյալները։
Այս տվյալների համաձայն՝ Մոդիի կոալիցիան մեծամասնություն է ստանում 543 տեղանոց խորհրդարանի ստորին պալատում։
Ըստ որոշ աղբյուրների՝ այն կունենա 359-ից 371 մանդատ։ Ընդդիմադիր կոալիցիան, որը ներառում է 28 կուսակցություն, ստանում է 125-ից 154 մանդատ։
Հնդկաստանի ընտրական հանձնաժողովը նախատեսում է ընտրությունների պաշտոնական արդյունքները ներկայացնել հունիսի 4-ին։
