Վրաստանի խորհրդարանը չեղարկել է «Օտարերկրյա ազդեցության թափանցիկության մասին» օրենքի վրա դրված նախագահի վետոն

Վրաստանի խորհրդարանը չեղարկել է «Օտարերկրյա ազդեցության թափանցիկության մասին» օրենքի վրա դրված նախագահի վետոն։ Կողմ է քվեարկել 84 պատգամավոր, դեմ ՝ 4 -ը:

Վրաստանի նախագահը պետք է ստորագրի այն, իսկ եթե հրաժարվի, օրենքը կստորագրի խորհրդարանի նախագահը։

Ավելի վաղ հաղորդել էինք, որ Վրաստանի նախագահը հայտարարել էր, որ վետո է դրել «Օտարերկրյա ազդեցության թափանցիկության մասին» օրինագծի վրա։

«Վետո եմ դրել «Օտարերկրյա ազդեցության թափանցիկության մասին» օրինագծի վրա: Օրենքը որևէ փոփոխության կամ բարելավման ենթակա չէ և պետք է չեղյալ համարվի»,-հայտարարել էր նա։

Հավելենք, որ Վրաստանում շարունակվում են բողոքի ակցիաները «օտարերկրյա գործակալների մասին օրենքի» դեմ։