Նիկոլ Փաշինյանը փախուստի մեջ է. Միքայել արքեպիսկոպոս Աջապահյան
Իշխանությունները գիտեն՝ ի՞նչ է ֆաշիզմը, երևի չգիտեն, որ շարժման մասին այդպես են ասում: Այս մասին Սարդարապատում լրագրողների հետ զրույցում հայտնել է Շիրակի թեմի առաջնորդ Միքայել արքեպիսկոպոս Աջապահյանը՝ անդրադառնալով այն հարցին, թե իշխանությունները Սրբազան պայքարը համարում են ֆաշիստական։
«Այստեղ ֆաշիզմ չկա»,- շեշտել է նա:
Լրագրողի դիտարկմանը Նիկոլ Փաշինյանի Սարդարապատ չգալու մասին՝ Աջապահյանն արձագանքել է.
«Փախուստի մեջ է: Վախկոտը միշտ էլ խուսափում է, եթե վախկոտ չլիներ՝ կհանդիպեր: Ստախոս մարդը սուտ է խոսել, հերթական սուտն է ասել: Այդ մարդն ասում էր, որ Արցախը Հայաստան է և վերջ, իսկ հիմա Արցախի անունը նույնիսկ չի տալիս, պատմության դեմ է գործում: Արցախի Հանրապետությունը գոյություն է ունեցել 30 տարի, բայց նա նույնիսկ այդ մասին է լռում»:
Անդրադառնալով Փաշինյանի խոսքերին այն մասին, որ ՀԱՊԿ անդամ առնվազն 2 երկիր օգնել են պատերազմում Հայաստանի դեմ՝ Միքայել Սրբազանն ընդգծել է.
«Բա ո՞ւր էր ինքը նայում, ինչո՞ւ չէր շուտ ասում այդ մասին, ինչո՞ւ կուլիսների հետևում այդ հարցը չէր լուծում: Ինքն էր՝ անճար և անկամ»:
