Միխայիլ Գալուզինը՝ Հայաստանի և Ադրբեջանի միջև դելիմիտացիայի գործընթացի մասին
Հայաստանի և Ադրբեջանի միջև դելիմիտացիայի գործընթացը կնպաստի տարածաշրջանում կայունությանը։ Այս մասին հայտարարել է ՌԴ ԱԳ փոխնախարար Միխայիլ Գալուզինը։
Նա Մոսկվայում մասնակցել է Ադրբեջանի անկախության օրվա առթիվ կազմակերպված հանդիսավոր ընդունելությանը:
ՌԴ փոխարտգործնախարարը հայտարարել է, որ Հայաստանի և Ադրբեջանի միջև սահմանների դելիմիտացիան և դեմարկացիան Ռուսաստանի, Հայաստանի և Ադրբեջանի ղեկավարների կողմից ձեռք բերված եռակողմ համաձայնությունների և Հայաստանի և Ադրբեջանի միջև հարաբերությունների կարգավորման հիմնական ուղղություններից մեկն է։
