Այս ամենը համարվում է և կդիտվի որպես թշնամական գործողություններ․ Պեսկով

Ռուսաստանը թշնամական գործողություններ է համարում Եվրամիության կողմից Ուկրաինայի Զինված ուժերին Ռուսաստանի Դաշնությանը հարվածելու թույլտվության քննարկումը: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

«Իհարկե, այս ամենը համարվում է և կդիտվի որպես թշնամական գործողություններ, և, իհարկե, դա կլինի մեր զինվորականների համար հիմք, որոնք համապատասխան միջոցներ են ձեռնարկում»,- ասել է նա:

Ավելի վաղ հաղորդվում էր, որ ԵՄ որոշ երկրներ և ԱՄՆ-ն դեմ են, որ Արևմուտքի կողմից մատակարարվող զենքը օգտագործվի Ռուսաստանում թիրախները խոցելու համար, քանի որ դա կարող է հանգեցնել իրավիճակի սրման: Սակայն վերջին շրջանում այդ դիրքորոշումը սկսել է դրվել հարցականի տակ։