Լավրովը բացատրել է, թե ինչու է ԱԳՆ-ն ցանկանում «Թալիբանը» հանել ՌԴ-ում արգելված կազմակերպությունների ցանկից

Թալիբան» ահաբեկչական կազմակերպությունը իրական իշխանություն է Աֆղանստանում։ Այս մասին հայտարարել է ՌԴ ԱԳ նախարար Սերգեյ Լավրովը՝ բացատրելով, թե ինչու է ՌԴ ԱԳՆ-ն անհրաժեշտ համարում «Թալիբան»-ը հանել արգելված խմբավորումների ցանկից։

«Նրանք են իրական իշխանությունը։ Մենք Աֆղանստանի հանդեպ անտարբեր չենք»,- լրագրողներին ասել է ՌԴ ԱԳ նախարարը:

Այսօր՝ մայիսի 27-ին, հայտնի է դարձել, որ ՌԴ ԱԳՆ-ն և Արդարադատության նախարարությունն իրենց դիրքորոշումն են ներկայացրել նախագահ Վլադիմիր Պուտինին՝ առաջարկելով «Թալիբան»-ը հանել արգելված խմբավորումների ցանկից։

Նշենք, որ «Թալիբան»-ը Ռուսաստանում ահաբեկչական է ճանաչվել 2003 թվականի մարտին՝ Գերագույն դատարանի որոշմամբ։ 2021 թվականի օգոստոսի 15-ին շարժումը զավթել է իշխանությունը Աֆղանստանում։