Աղետի գոտում 4-րդ հաստատված զոհն ունենք. պատգամավոր

Աղետի գոտում 4-րդ հաստատված զոհն ունենք, այս մասին հայտնել է ԱԺ «Քաղաքացիական պայմանագիր» խմբակցության անդամ Արեն Մկրտչյանը։

«Ցավակցում եմ ընտանիքի անդամներին, բարեկամներին»,-գրել է պատգամավորը։

Ավելի վաղ հայտնել էինք, որ աղետի գոտում կա 3 զոհ։ Սանահինի կամրջի մոտակայքից փրկարարները դուրս են բերել անձը չպարզված քաղաքացու դի: Պտղավան բնակավայրի ֆուտբոլի դաշտի հարևանությամբ գետից դուրս է բերվել Հաղթանակ բնակավայրի բնակիչ (1948 թ․) Ավագ Ավագյանի դին։ Շնող գյուղի մոտակայքում գետից դուրս է բերվել Սարիբեկ Բալյանի (1985 թ․) դին:

Փրկարարական աշխատանքներում ներգրավված են ՆԳՆ փրակարար ծառայության 30 մարտական հաշվարկ` 324 փրկարարական ծառայող։ Տավուշի մարզում մարզպետարանի կողմից աշխատանքներին ներգրավվել է 25 միավոր ինժեներական տեխնիկա (20 ինքնաթափ և 5 ամբարձիչ)։