Ալեն Սիմոնյանը՝ Լոռու և Տավուշի մարզերում հեղեղումների մասին

Ցավում եմ Լոռու և Տավուշի մարզերում հեղեղումների հետևանքով տեղի ունեցած աղետի համար։ Այս մասին գրել է ԱԺ նախագահ Ալեն Սիմոնյանը։

«Վստահ եմ, որ ներդրվող ջանքերի շնորհիվ այս բնական աղետի հետևանքները հնարավորինս արագ կմեղմվեն։ Տոկունություն և համբերություն տեղի բնակիչներին և բոլորիս»,- գրել է նա։ 

 Հիշեցնենք՝ Դեբեդ գետի վարարած ջրերը այս գիշեր դուրս են եկել հունից: Նախնական տվյալներով կա 1 զոհ։ Նախնական տվյալներով վտանգավոր տարածքներից տարհանվել են 232 քաղաքացի։

Գիշերը տեղացած հորդառատ անձրևների հետևանքով ՀՀ մի շարք մարզերում փակվել են ճանապարհներ, տներն ու ավտոմեքենաները հայտնվել են հեղեղի տակ, արգելափակվել են մարդիկ։