Ռուսաստանի նախագահ Վլադիմիր Պուտինը պատրաստ է Ուկրաինայի հարցով բանակցությունների, բայց միայն այն նպատակներին հասնելու համար, որոնք այժմ ձեռք են բերվում հատուկ ռազմական գործողության միջոցով։ Այս մասին ուրբաթ օրը հայտարարել է Կրեմլի խոսնակ Դմիտրի Պեսկովը։

«Իրողությունները պարզ են, կա Ռուսաստանի Դաշնության Սահմանադրություն, որը սահմանում է Ռուսաստանի մարզերի կազմը»,- ընդգծեց նա։

Ավելի վաղ Կրեմլը խոսել էր Ուկրաինայում հատուկ ռազմական գործողության ավարտի ժամկետների մասին։ Պեսկովի խոսքով՝ հատուկ ռազմական գործողություն կշարունակվի այնքան ժամանակ, քանի դեռ չեն իրականացվել բոլոր դրված նպատակները։