Թաթարստանի օդանավակայանները ԱԹՍ-ների հարձակումների պատճառով փակվել են
Կազանի և Նիժնեկամսկի օդանավակայանները թռիչքների անվտանգությունն ապահովելու համար ժամանակավորապես դադարեցրել են աշխատանքը՝ անօդաչու թռչող սարքի հարձակման պատճառով: Դրա մասին հայտնել է օդային տրանսպորտի դաշնային գործակալության մամուլի քարտուղար Արտյոմ Կորենյակոն։
Թռիչքի անվտանգությունն ապահովելու համար օդանավերի անձնակազմերը, ավիադիսպետչերները և օդանավակայանի ծառայությունները ձեռնարկում են բոլոր անհրաժեշտ միջոցները։
Ըստ Baza-ի՝ Նիժնեկամսկի օդոում նկատվել է երկու անօդաչու թռչող սարք, որոնցից մեկը ոչնչացրել են հակաօդային պաշտպանության ուժերը։
Shot տվյալներով՝ մարզում ձեռնարկությունների աշխատակիցների զանգվածային տարհանում է սկսվել։ Նիժնեկամսկում հինգ ձեռնարկությունների աշխատակիցները դադարեցրել են աշխատանքը: Տարհանվել են նաև Ջերմաէլեկտրակենտրոնի աշխատակիցները։
