Քաղաքականություն

ՏԵՍԱՆՅՈՒԹ. Իրանի նախագահի մարմինը տեղափոխել են նրա հայրենի քաղաք

Էբրահիմ Ռայիսիի մարմինը Բիրջանդից տեղափոխել են իմամ Ռեզայի դամբարան, որը գտնվում է Ռայիսիի հայրենի Մաշհադ քաղաքում։ Այնտեղ նրան հրաժեշտ կտա Իրանի գերագույն առաջնորդ այաթոլլա Ալի Խամենեին։ Իրանի ԱԳ…

Էբրահիմ Ռայիսիի մարմինը Բիրջանդից տեղափոխել են իմամ Ռեզայի դամբարան, որը գտնվում է Ռայիսիի հայրենի Մաշհադ քաղաքում։ Այնտեղ նրան հրաժեշտ կտա Իրանի գերագույն առաջնորդ այաթոլլա Ալի Խամենեին։ Իրանի ԱԳ նախարար Ամիր Աբդոլլահիանին այսօր հրաժեշտ են տալիս Թեհրանում:


Ավելի վաղ սգո միջոցառումներ են անցկացվել Թավրիզում, Ղոմում և Թեհրանում:


Հրաժեշտի արարողությանը ներկա են եղել ավելի քան 50 երկրի ներկայացուցիչներ: Երեկ սգո միջոցառումներին մասնակցել է նաև ՀՀ վարչապետ Նիկոլ Փաշինյանը:


Հիշեցնենք` Իրանի նախագահ Էբրահիմ Ռայիսիին և արտգործնախարար Հոսեյն Ամիր Աբդոլլահիանին տեղափոխող ուղղաթիռը կործանվել է մայիսի 19-ին երկրի հյուսիս-արևմուտքում՝ Վերզեգանի շրջանում: Բարձրաստիճան պաշտոնյաները վերադառնում էին Արաքս գետի վրա հիդրոհանգույցների բացման արարողությունից, որին մասնակցում էր Ադրբեջանի նախագահ Իլհամ Ալիևը: Փրկարարների թիմերը մեկնել էին արտակարգ պատահարի վայր և որոնումներ իրականացրել ամբողջ գիշեր, նրանց աշխատանքը բարդացել էր մթության և տեղատարափի պատճառով:


Մայիսի 20-ի առավոտյան հայտնի դարձավ, որ հայտնաբերվել են ուղղաթիռի այրված բեկորները, իսկ ինքնաթիռում գտնվող բոլոր մարդիկ մահացել են։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7487) Միջազգային (3302) ԱՄՆ (2293) Ռուսաստան (2110) Իրան (1743) Ընտրություններ (1273) Ուկրաինա (829) Երևան (799) Իսրայել (760) Ադրբեջան (624) Փաշինյան (562) Եվրոպա (510) Ընդդիմություն (437) Թրամփ (431) Ազգային ժողով (417)

Radio Aurora

Լսել Radio Aurora

Գովազդային տարածք

300x250