Սահմանապահները նախնական տեղազննում են իրականացնում Տավուշի մարզի Կիրանց բնակավայրի հատվածում։  Այնտեղ է նաև ԱԱԾ սահմանապահ զորքերի հրամանատարի առաջին տեղակալ Էդգար Հունանյանը։

Հիմնական տեղակայման հստակ ժամկետը դեռ հայտնի չէ, բայց սահմանապահներն այսօրվանից ներկա են լինելու Կիրանցի հատվածում։

Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվեցին սահմանազատումը սկսել Տավուշի մարզից։ Հայտարարվեց, որ սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը: