Լարվածության աճը վտանգավոր է, այդ թվում՝ միջուկային ոլորտում․ Պեսկով

Աշխարհում լարվածության սրումը սպառնալիք է նաև միջուկային ոլորտում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

«Ընդհանուր առմամբ, եվրոպական մայրցամաքում, համաշխարհային մասշտաբով, տարածաշրջանային հակամարտությունների ակտիվ փուլը կայունություն և կանխատեսելիություն չի ավելացնում, ինչպես նաև պոտենցիալ վտանգավոր է լարվածության հետագա սրման համար, այդ թվում՝ միջուկային ոլորտում», — հայտարարել Է Կրեմլի ներկայացուցիչը:

Նրա խոսքով՝ «հիմնական խաղացողների շրջանում խորացված երկխոսությունն այժմ մերժվում է այսպես կոչված հավաքական Արեւմուտքի երկրների կողմից»:

Մայիսի 21-ին Ատոմային Էներգիայի միջազգային գործակալությունում (ՄԱԳԱՏԷ) ՀԱՀ-ի մշտական ներկայացուցիչ Ռապուլան Մոլոկանեն ընթերցել է աշխարհի 23 պետությունների հայտարարությունը, որում ասվում է, որ միջուկային հակամարտության առաջացման վտանգը հասել է վերջին մի քանի տասնամյակների ընթացքում ամենաբարձր ցուցանիշներին:

Նույն օրը Ռուսաստանում սկսվեցին ոչ ռազմավարական միջուկային զենքի կիրառման զորավարժությունները։ Դրանք կանցկացվեն երեք փուլով, որոնցից մեկում միջոցառումներին կմիանա Բելառուսը։

ՌԴ նախագահ Վլադիմիր Պուտինը զորավարժություններն անվանել է «պլանային աշխատանք», ՊՆ-ն՝ «պատասխան սադրիչ հայտարարություններին և սպառնալիքներին», իսկ ՌԴ ԱԳՆ-ն նշել է, որ դրանք կոչված են «սառը տաք գլուխներին» արևմտյան մայրաքաղաքներում»: