Հայաստանի լավ հարաբերություններն Իրանի հետ որոշ մարդկանց համար անընդունելի է․ Փաշինյան

Թեհրանում ՀՀ վարչապետ Նիկոլ Փաշինյանը, հանդիպելով Իրանի նախագահի ժամանակավոր պաշտոնակատար Մոհամադ Մոհբերին, անդրադարձել է հայ-իրանական հարաբերություններին։

Նշելով, որ Իրանի հետ Հայաստանի լավ հարաբերությունները որոշ մարդկանց համար անընդունելի և անցանկալի են, Փաշինյանը նշել է, որ Հայաստանը շատ հստակ հայտարարել է, որ իրեն չեն հուզում այդ դիմակայությունները, և Հայաստանը լրջորեն զբաղվում է Իրանի հետ հարաբերությունների և համագործակցության համակողմանի ընդլայնմամբ։