«Սորոսի հիմնադրամի աշխատակից չեմ եղել». ՍԴ դատավորի թեկնածու

ՍԴ դատավորի թեկնածու Դավիթ Խաչատուրյանն անդրադարձել է 2006թ. Բաց հասարակության հիմնադրամների տնօրենների խորհրդի անդամ լինելուն։ Նա նշել է, թե հիմնադրամի աշխատակից չի եղել. «Դա լրիվ հասարակական գործունեություն է, և մենք ընդամենը որպես ծախսերի հատուցում ստացել ենք սիմվոլիկ գումար՝ ամսական 100 դոլարի կարգի»։

Նա մանրամասնել է, թե վեց ամիս առաջ ԲԴԽ անդամ ընտրվելուց հետո ինչու համաձայնվեց առաջադրվել ՍԴ դատավորի պաշտոնում. «Արայիկ Թունյանի (ՍԴ նախկին դատավոր) կողմից այլ պաշտոնի անցնելը եղել է անակնկալ․ ես իմ մասնագիտական կյանքը նվիրել եմ իրավունքների դատարանի պրակտիկայի ուսումնասիրությանը»։