ՏԵՍԱՆՅՈՒԹ. Կիրանցիները չեն լացում, սխալ եք տեսել. բա Արցախից խի դուրս եկաք, մնայիք Արցախում. Տավուշի մարզային վարչության պետ
ՀՀ ՆԳՆ ոստիկանության Տավուշի մարզային վարչության պետ Արթուր Մկրտչյանը Կիրանց մեկնող մշակութային գործիչներին հավաստիացնում է, որ երեկ համացանցում հրապարակված տեսանյութերում ինչ տեսել են, իրական չէ: Խոսքը լաց լինող կանանց մասին է: «Կիրանցիները չեն լացում, սխալ եք տեսել»:
Այս ամենին արձագանքեց տեղում լուսաբանող արցախցի լրագրողը. «Պահի տակ հուզվել լացելը, Արցախից այ էդպես 120 հազար հոգի, պահի տակ հուզվել, լացել ա, որ իմանաք էլի»:
Արթուր Մկրտչյանը նախ ճշտեց, թե երիտասարդ լրագրողը որտեղից է ու հետո դիմելով արցախցի լրագրողին, ասաց՝ «Ինչու՞ դուրս եկաք Արցախից, մնայիք էնտեղ»։
Շարժման առաջնորդներից մեկը` Սուրեն Պետրոսյանը փորձեց սաստել ՀՀ ՆԳՆ ոստիկանության Տավուշի մարզային վարչության պետին:
