Թայվանցի օրենսդիրները ծեծկռտուք են սարքել խորհրդարանում։

Իրավիճակը թեժացել է նախագահական ընտրություններից հետո։ Հաղթանակ է տարել Թայվանի անկախության կողմնակիցը, ընդ որում խորհրդարանական մեծամասնությունը մնացել է ընդդիմությանը։

Այժմ ընդդիմությունն առաջարկել է բարեփոխում, որը խորհրդարանին կառավարության վերահսկողության ավելի լայն լիազորություններ կտա։ Իշխող կուսակցությունը դեմ է արտահայտվել։

Պատգամավորները բուռն վիճել են, հրմշտել ու բղավել։ Իսկ նրանցից մեկը պարզապես խլել է օրինագծի փաստաթղթերը եւ փախել։ Հաղորդվում է, որ ավելի ուշ փաստաթղթերը վերադարձվել են քննարկման։