Բաքվի դատարանը քննում է Ռուբեն Վարդանյանի խափանման միջոցը երկարաձգելու հարցը
Բաքվի Սաբաիլի շրջանային դատարան միջնորդություն է ներկայացվել անցյալ տարվա սեպտեմբերից առևանգված և Ադրբեջանում ապօրինաբար կալանքի տակ պահվող Արցախի նախկին պետնախարար, գործարար, բարերար Ռուբեն Վարդանյանի նկատմամբ ընտրված խափանման միջոցը երկարացնելու մասին։ Այս մասին հայտնում է APA-ն։
Ադրբեջանի պետական ավնտանգության ծառայության քննչական վարչությունը դիմել է դատարան՝ Վարդանյանի նախնական կալանքի ժամկետը երկարաձգելու խնդրանքով։
Հիշեցնենք՝ Ադրբեջանը նախկին պետնախարարին մեղադրում է «ահաբեկչության ֆինանսավորման», «պետական սահմանն անօրինական հատելու» և «անօրինական զինված կազմավորումների ստեղծմանը մասնակցելու» հոդվածներով։
