Բելառուսի ԶՈւ ԳՇ պետը ազատվել է պաշտոնից
Գեներալ – մայոր Վիկտոր Գուլևիչը այլևս Բելառուսի Զինված ուժերի Գլխավոր շտաբի պետը չէ: Այս մասին ուրբաթ հաղորդում է երկրի նախագահի մամուլի ծառայությունը: Համապատասխան հրամանը Բելառուսի նախագահ Ալեքսանդր Լուկաշենկոն ստորագրել է մայիսի 10-ին:
«Գեներալ–մայոր Վիկտոր Գուլևիչը ազատված է Զինված ուժերի Գլխավոր շտաբի պետի՝ պաշտպանության նախարարի առաջին տեղակալի պաշտոնից»,– նշվում է հաղորդագրությունում:
Նշվում է, որ նա ծառայությունից պահեստազոր է տեղափոխվել տարիքի պատճառով: Ընդ որում, Գուլևիչը պահպանում է զինվորական համազգեստ հագնելու և տարբերանշաններ կրելու իրավունքը:
