«Ժողովուրդը մեր հոգևոր դասին ընդունում է միայն որպես մեռել թաղողներ». Գագիկ Մելքոնյան
Մոսկվայից հրահանգել են ամեն ինչ անել, որ իշխանությունները հեռանան, Factor TV-ի հետ զրույցում նման տեսակետ է հայտնել ՀՀ ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանը՝ անդրադառնալով տավուշյան շարժմանը։
Իշխող ուժի ներկայացուցչի պնդմամբ՝ տավուշյան շարժմանը չի հաջողվելու իրենց հեռացնել։ Գագիկ Մելքոնյանի կարծիքով՝ եկեղեցին ցանկանում է իշխանափոխություն անել։ «Ցանկալի կլիներ՝ կաթողիկոսը ստեղծեր մի կուսակցություն և մտներ քաղաքական դաշտ։ Բայց մի մտածեք, թե հայ ժողովորդը Գարեգին Բ-ի համար ուշաթափվում է, նա ժողովրդից հեռացել է։ Ժողովուրդը մեր հոգևոր դասին ընդունում է միայն որպես մեռել թաղողներ»,- հայտարարել է ՔՊ պատգամավորը։
