Չինաստանի ղեկավար Սի Ծինփինը և Ֆրանսիայի նախագահ Էմանուել Մակրոնը բանակցություններից հետո համատեղ հայտարարությամբ հանդես են եկել Իրանի միջուկային խնդրի խաղաղ կարգավորման օգտին։ Այս մասին հայտնում է Չինաստանի կենտրոնական հեռուստատեսությունը:

«Չինաստանը և Ֆրանսիան վերահաստատում են, որ ջանքեր կգործադրեն իրանական միջուկային խնդրի՝ քաղաքական և դիվանագիտական ուղիներով լուծմանը նպաստելու համար», - ասվում է Սիի և Մակրոնի համատեղ հայտարարության մեջ։

Երկու կողմերը նաև պատրաստակամություն են հայտնել նպաստելու միջազգային մեխանիզմների պահպանմանը, որոնք ապահովում են միջուկային զենքի չտարածումը և միասին նպաստում Մերձավոր Արևելքի տարածաշրջանում խաղաղության և կայունության պահպանմանը։