Պուտինը հանձնարարել է միջուկային զենքով վարժանքներ անցկացնել
ՌԴ գլխավոր շտաբը ՌԴ նախագահ Վլադիմիր Պուտինի հանձնարարությամբ սկսել է նախապատրաստվել մոտ ժամանակներս Հարավային ռազմական օկրուգի և ռազմածովային ուժերի հրթիռային կազմավորումների հետ վարժանքների անցկացմանը։ Այս մասին հայտնել են ՌԴ Պաշտպանության նախարարությունում:
Ռուսաստանի պաշտպանական գերատեսչությունում նշել են, որ զորավարժությունների շրջանակներում կմշակվեն ոչ ռազմավարական միջուկային զենքի պատրաստման և կիրառման հարցերը:
Գերատեսչությունում ընդգծել են, որ այդ զորավարժությունները պատասխան են Ռուսաստանի հասցեին արևմտյան առանձին պաշտոնյաների սադրիչ հայտարարություններին և սպառնալիքներին:
Ավելի վաղ Գերմանիայի պաշտպանության նախարարությունը Ռուսաստանին կասկածել էր Բալթյան երկրներում GPS-ի աշխատանքի վրա ազդելու մեջ:
