«Իրական Հայաստան»․ Փաշինյանի՝ ասուլիսին ցուցադրած սահիկների հետնապատկերում Արագածն է

Ուղիղ 6 տարի առաջ մեր քաղաքական թիմը եւ ես ստանձնեցինք ՀՀ կառավարումը, այդ պահին մեր առաջնային խնդիր ենք համարել այն օրակարգի սպասարկումը, որը մեր իրականության մեջ ընդունված է համարել համազգային նպատակներ: Այս մասին այսօր՝ մայիսի 7-ին, մամուլի ասուլիսի ժամանակ նշեց ՀՀ վարչապետ Նիկոլ Փաշինյանը, գրում է NEWS.am-ը։

«Այդ օրակարգի լիաթոք սպասարկումը բացահայտել է հայեցակարգային եւ գործնական միօ շրք խնդիրներ, որոնք առարկայացել են առավել 2020-ի 44-օրյա պատերազմից առաջ, ժամանակ եւ դրանից հետո: Այդ ողջ ընթացքում մենք կարեւոր ենք համարել հիշատակված խնդիրների ախտորոշումը՝ դրանլց լուծումը համարելով կենսական: 

Այդ ամենին առնչվելը մեզ համար բացահայտել է խնդիրների մի մասի ոչ միայն անլուծելիությունը, այլեւ դրանքց անհամատեղելիությունը անկախության, ինքնիշխանության, պետականության գաղափարների եւ պրակտիկայի հետ: Որոշ օրակարգեր ի ցույց են դրել իրենց փակուղային լինելը, որոնց հավանական խորքային նպատակը մեր երկրի կայացումն ու զարգացումը թույլ չտալն է, Հայաստանի անկախության, ինքնիշխանության պետականության ռազմավարական թիրախավորմամբ»,-ասաց նա:

Փաշինյանի խոսքով, հիմա առաջ է գալիս ՀՀ զարգացման ռազմավարական տեսլականի վերանայման անհրաժեշտությունը, եւ դրանից է բխում իրական Հայաստանի տեսլականը, որի մասին խոսել է կառավարության ծրագրի կատարողականի քննարկման ժամանակ:

Վարչապետը սահիկաշար սկսեց ներկայացնել, թե ինչ է Հայաստանի Հանրապետությունը, որքան է նրա տարածքը, ինչ է նշանակում ինքնիշխանություն, անկախություն եւ այլն: Նա կրկնեց, որ երբ ասում ենք Հայաստանի Հանրապետություն, նկատի ունենք 29 հազար 743 քառակուսի կմ տարածքը:

Հատկանշական է, որ սահիկների ֆոնին Արագած սարն է: